Azizjon G'aniev mashg'ulotlarga kirishdi

O'zbekiston terma jamoasi va «Shabab Al Ahli» klubi yarim himoyachisi Azizjon G'aniev jarohatdan tuzalib mashg'ulotlarga qaytdi.

Yarim himoyachi o'ng oyoq tizza bo'g'ini old xochsimon boylamining uzilishi (ilgari jarohat olib «operatsiya» qilingan oyog'i chap oyog'i edi) oqibatida jarrohlik operatsiyasini boshdan kechirdi.

Ma'lumot uchun, Azizjon G'aniev 2021 yil 13 fevral kuni «Shabab Al Ahli» safida «Al Vahda»ga qarshi bahsning 57-daqiqasida o'ng oyog'i bilan erga noqulay tushgan edi. Shu sabab, og'ir jarohat olgan.