Salax: "Liverpul" rahbariyati meni hayron qoldirmoqda"

"Liverpul" hujumchisi Muhammad Salax klub bilan shartnomani uzaytirish borasida hali gaplashmaganini aytdi.

"Hech kim men bilan shartnomani uzaytirish to'g'risida gaplashmadi, shuning uchun aytadigan gapim yo'q. Oldinroq men Premer Liga va Chempionlar Ligasida yana g'alaba qozonmoqchiman deb aytgandim. Men shunchaki qayta-qayta yutishga harakat qilaman. Kuboklarni yutish bizning kasbimizning bir qismidir. Men rahbariyat ishiga hayron qolayapman", - deya Salaxning so'zlarini keltirdi Sky Sport.

Joriy mavsumda Salax barcha turnirlarda 46 uchrashuv o'tkazib, 29ta gol urdi va 4 golli uzatma berdi.

Eslatib o'tamiz, "Liverpul"ning Salax bilan shartnomasi 2023-yilning yozigacha mo'ljallangan.