«Latsio» o'z tarixidagi rekord natijani qayd etdi

«Latsio» Italiya chempionatida o'z tarixida birinchi marta ketma-ket 11 ta uy o'yinida g'alaba qozondi. «Burgutlar» «Jenoa» bilan bahsda muhim g'alabaga erishdi (4:3).

Hozir «Latsio» kuchli to'rtlikka kirish uchun kurashmoqda. Simone Inzagi shogirdlari Chempionlar Ligasi zonasidan 2 ochko ortda qolmoqda.

Mavsum yakuniga qadar «Latsio» yana beshta uchrashuv o'tkazishi kerak. Jamoa «Fiorentina», «Parma», «Roma», «Torino» va «Sassuolo» bilan to'qnash kelishadi.