Rasman. «Inter» muddatidan oldin A Seriyada chempion bo'ldi

«Inter» joriy mavsum Italiya chempionatida bosh sovrinni qo'lga kiritishi ma'lum bo'lib ulgurdi.

Antonio Konte jamoasi «Atalanta» «Sassuolo» bilan durang (1:1) o'ynaganidan keyin musobaqa chempioniga aylandi.

A Seriya yakunlanishiga 4 tur qolganida «Inter» 82 ochko bilan birinchi o'rinda. Uning yaqin ta'qibchilari — «Milan» va «Atalanta» klublari hisobida 69 ochkodan mavjud.

Milanliklar 2009/2010 yilgi mavsumdan beri ilk bor skudettoni qo'lga kiritishmoqda. Jamoa jami 19-marotaba Italiya chempioniga aylandi.