Maldini: «Kim maydonga tushishi va kim shartnomani yangilashini «Milan»dan boshqa hech kim hal qilmaydi»

«Milan»ning texnik direktori Paolo Maldini klub bilan shartnomasini uzaytirishni talab qilgan muxlislardan tahdid olgan darvozabon Janluiji Donnarummani himoya qildi.

«Shuni aniq aytish kerakki, maydonga kim tushishini va shartnomani kim yangilashini «Milan»dan boshqa hech kim hal qila olmaydi. O'yin uchun tarkib tanlash murabbiyning vakolatiga kiradi. Shartnomalar bo'yicha masalalarni esa klub rahbariyati hal qiladi.

Bundan buyon jamoaning diqqatini maydonga qaratish uchun yangi shartnomalar bo'yicha har qanday muzokaralar mavsum oxiriga qoldirildi.Biz har doimgidek futbolchilarni himoya qilishni davom ettiramiz»,-dedi Maldini ANSAga.