EChL. Neymar: "Siti" ustidan g'alaba qilishimizga har bir parijlik bizga ishonishi lozim"

«Pari Sen-Jermen» hujumchisi Neymar Chempionlar ligasi yarimfinal javob uchrashuvi doirasidagi «Manchester Siti»ga qarshi o'yin haqida fikrini bildirdi.

«Manchester Siti»ga qarshi dastlabki o'yin juda ham og'ir o'tgandi. Ammo statistika nima deyishidan qat'i nazar biz eng avvalo o'zimizga ishonishimiz kerak. Har bir parijlik bizga ishonishi lozim. Men oldingi safda turib jamoam uchun jang qilishga tayyorman. Raqibni mag'lub etib, finalga chiqish uchun qo'limdan kelgan barcha ishni, kerak bo'lsa maydonda jon berishga ham tayyorman», - deya Neymarning so'zlarini keltirmoqda «PSJ» matbuot xizmati.

Ma'lumot uchun, «PSJ» — «Manchester Siti» o'rtasidagi dastlabki o'yinda inglizlar Frantsiyadan 2:1 hisobidagi g'alaba bilan qaytishgan. Javob uchrashuvi 4 may, seshanba kuni Manchesterda o'tadi.