Klopp Van Deyk haqida: «10-11 oyni o'tkazib yuborib birdan katta turnirda futbol o'ynab bo'lmaydi»

«Liverpul» bosh murabbiyi Yurgen Klopp yaqinlashib kelayotgan Evropa Chempionatida himoyachi Virjil van Deykning mumkin bo'lgan ishtiroki haqida gapirdi.

«Virjil tizzasidan jarohat olgan. Men uni ushlab turishni xohlamayman, lekin uni Evropa chempionatida o'ynashga majbur qilish ham mumkin emas. Shunchaki tan olaylik. Barchamiz ushbu sport turi bilan shug'ullanganmiz.

Agar siz bunday musobaqada o'ynashni istasangiz, avvalroq mashg'ulotlarga kirishishingiz kerak. 10-11 oyni o'tkazib yuborib, keyin bir hafta davomida mashq qilib, futbol o'ynay olmaysiz. Bu mumkin emas. Virjilni hech kim ushlab turmaydi, lekin biz uni hech narsa qilishga majburlamaymiz.

Gap futbolchi va uning faoliyati haqida ketmoqda. U imkon qadar tezroq tiklanishga harakat qilmoqda. Endi uning qachon qaytishini aniq bilmaymiz, ammo evro bilan bog'liq vaziyat aniq. Har qanday holatda ham Van Deyk o'z qarorini o'zi qabul qiladi», - deydi germaniyalik mutaxassis.