Rays uchun kurashda MYuga jiddiy raqobatchi paydo bo'ldi

«Vest Xem» yarimhimoyachisi Deklan Rays yozda jamoani tark etishga yaqin.

22 yoshli inglizga «Chelsi» da'vogarlik qilmoqda. Londonliklar maydon markazini kuchli yarimhimoyachi bilan to'ldirishni reja qilgan. Raysning o'zi «Chelsi»ga o'tish variantini ko'rib chiqishga tayyor, chunki «ko'klar» safida uning yaqin do'sti Meyson Maunt harakat qiladi.

Eslatib o'tamiz, Rays bilan avvaldan «Manchester Yunayted» aloqaga chiqib kelgan. Endi ular «Chelsi» bilan kurashishlariga to'g'ri keladi.

Joriy mavsum Rays APLning 29 o'yinida 1 ta gol va shuncha golli pasni amalga oshirdi.