Zidan Varanning jarohati haqida: «Uning o'zi buni arzimas narsa deb aytdi»

Zinedin Zidan himoyachi Rafael Varanning ahvoli haqida gapirdi

Madridning «Real» klubi bosh murabbiyi Zinedin Zidan «Osasuna»ga qarshi Ispaniya chempionatining 34-tur uchrashuvi (2: 0) da jarohat olgan himoyachi Rafael Varanning ahvoli haqida gapirdi.

Eslatib o'tamiz, Varan o'yinning 46-daqiqasida jarohat oldi. Uning o'rniga esa himoyachi Nacho maydonga tushirildi.

«"Real"ning o'yin uslubidan mamnunman. Varan orttirib olgan jarohatga kelsak, umid qilamanki, jiddiy narsa yo'q. Rafaelning o'zi buni arzimas narsa deb aytdi. Umid qilamanki bu haqiqat.

Umuman olganda, jamoa jismoniy va emotsional jihatdan yaxshi darajada edi. Biz har uch kunda o'ynaymiz va shuning uchun har bir detal muhim. «Osasuna»ga qarshi o'yinda jamoaning jismoniy holati yaxshi edi. Men futbolchilarimdan mamnunman», - deydi frantsiyalik mutaxassis.