Di Mariya Lui van Gal bilan bo'lgan mojaroni esga oldi

PSJ yarim himoyachisi Anxel Di Mariya “Manchester Yunayted”da o'ynab yurgan kezlari, Lui van Gal bilan  bo'lgan mojaroni esga oldi.

“Manchesterda o'ynagan chog'imda dastlabki ikki oy Van Gal bilan munosabatim yaxshi edi. Biroq bitta tortishuvdan so'ng, hamma narsa o'zgardi, bizning aloqalarimiz oldingiday emas edi.

Van Gal har doim yomon so'zlar bilan haqorat qilardi. Bir kuni o'zimni tutib turolmadim va unga boshqa unday qilmasligini aytdim.

Men unga  hammasini yaxshi o'zlashtira olyapman va nima qilishni o'zim bilishimni aytdim.

Xullas, unga mening  xarakterim yoqmadi, shundan keyin xamma muammolar boshlandi”, - deydi argentinalik futbolchi.