O'zbekiston ayollar OTJ «Turkish Women's Cup 2019» musobaqasiga tayyorgarlik ko'rmoqda
/ Kiritdi: BestMaster Ko'rilgan: 982
Avval xabar berib o'tganimizdek, O'zbekiston ayollar olimpiya terma jamoasi Turkiyada «Turkish Women's Cup 2019» xalqaro musobaqasiga tayyorgarlik ko'rmoqda.
Terma jamoamiz delegatsiyasi Alanya shahridagi «Gold City» mehmonxonasida istiqomat qilyapti. Bahrom Norsafarov boshchiligidagi terma jamoa futbolchilari mashg'ulotlar davomida texnik-taktik harakatlarni yaxshilash, shuningdek, pressing uyushtirish va standart vaziyatlardan foydalanish ustida ish olib borishyapti. Bundan tashqari nazariy mashg'ulotlarda raqiblar o'yinlari yozilgan videoyozuvlar futbolchilarga namoyish qilinib, ularning o'yinlari tahlil qilinmoqda. Shuningdek, O'zbekiston ayollar olimpiya terma jamoasi a'zolari fitnes bo'yicha murabbiy qo'lostida trenajyor zalida ham mashg'ulotlar olib borishyapti. Ertaga terma jamoamiz «Turkish Women's Cup 2019» musobaqasidagi ishtirokini boshlaydi. Dastlabki raqibimiz Hindiston terma jamoasi bo'ladi. O'yin Side shahridagi «Evrenseki» stadionida Toshkent vaqti bilan soat 13:00da boshlanadi.
Fikr bildirish
Hali hech kim izoh qoldirmagan. Birinchi bo`lib izoh qoldiring :)!!
Fikr qoldirish uchun Ro`yxatdan o`tish lozim!!!