Ilhomjon Mo'minjonov: «Qo'lga kiritilgan bir ochko ham guruhdan chiqishimizga yordam berdi»
/ Kiritdi: BestMaster Ko'rilgan: 144
"Neftchi" bosh murabbiyi Ilhomjon Mo'minjonov O'zbekiston kubogi guruh bosqichining 3-turi doirasida bo'lib o'tgan "Qizilqum"ga qarshi o'yin (0:0) borasida o'z fikrini bildirib o'tdi.
"Bugungi kubok o'yiniga jiddiy tayyorgarlik ko'rgan edik. Chunki,"Qizilqum" jamoasi olti ochko bilan guruhdan chiqish vazifasini uddalab bo'lgan edi. Lekin, bizda ham g'alaba qozonish orqali guruhdan chiqish imkoniyati mavjud edi. Durang natija qayd etdik. Bugun ko'plab xavfli vaziyatlarni yaratdik. Hujum va yarim himoya chizig'idagi futbolchilarimiz bu vaziyatlardan unumli foydalana olishmadi. Qo'lga kiritilgan bir ochko ham guruhdan chiqishimizga yordam berdi. Shuning uchun, barcha muxlislarimizni keyingi bosqichga chiqqanimiz bilan tabriklab qolaman. Endi qur'a natijalarini kutib qolamiz. O'ylaymanki, Superliga klublariga tushsak astoydil harakat qilgan holda shijoatli o'yin namoyish etib, o'zimizni yana bir bor sinab ko'ramiz va keyingi bosqichga chiqishga harakat qilamiz.
Kubok uchrashuvlarining birinchi va ikkinchi turida o'yin amaliyotiga ega bo'lmagan futbolchilarni maydonga tushirdik. Keyingi bosqichga chiqish majburiyati bo'lganligi uchun bugungi o'yinda asosiy tarkib futbolchilarini maydonga tushirdik. Bugungi o'yin esa Pro liganing Samarqandda bo'lib o'tadigan 6-tur uchrashuviga tayyorgarlik vazifasini o'tab berdi. Guruhdan 4 ochko bilan chiqqanimiz qoniqarli natija deb o'ylayman.
Rahbariyat tomonidan bizga Pro ligada chempion bo'lish va kubok musobaqalarida guruhdan chiqib, yuqori pog'onalar uchun kurashishda o'zimizni sinab ko'rish vazifasi qo'yilgan", — dedi Mo'minjonov.
Bosh sahifaga
263