Kavani o'z kelajagi borasida bir qarorga keldi

Hujumchi Edinson Kavani «Manchester Yunayted» bilan shartnomasini uzaytiradi.

Urugvaylik futbolchi o'z kelajagi haqida uzoq vaqt o'ylagan, shundan so'ng u «Boka Xuniors»ning jiddiy qiziqishiga qaramay, keyingi mavsumni «mankunianlar» safida o'tkazishga qaror qilgan.

Qayd etish mumkin, 34 yoshli hujumchi ushbu mavsum, ingliz klubi safida barcha turnirlarda 33 uchrashuv o'tkazib, 12 gol urdi va 5 assist amalga oshirdi. Kavanining «Manchester Yunayted» bilan shartnomasi 2021 yil 30 iyunda tugaydi.

2 may, yakshanba kuni manchesterliklar o'z uylarida «Liverpul»ni qabul qilishadi.