Vudvord: «Evropa Superligasi? Biz buni jonlantirish haqida o'ylamayapmiz»

«Manchester Yunayted» vitse-prezidenti Ed Vudvord yana bir bor Superliga haqidagi savolga javob berdi.

«Albatta, hamma g'azablanadi va hafsalasi pir bo'ladi, chunki biz muxlislarning fikrini so'ramadik. Superliga g'oyasida ochiq raqobat tamoyiliga e'tibor bermaslik xato.

Barcha muxlislarni ishontirib aytamanki, biz saboq oldik va Superligaga oid rejalarni jonlantirishni o'ylamayapmiz.

Oddiy munozaralar xatolardan qochishimizga yordam beradi. Ha, biz futbol uchun juda muhim bo'lgan sport yutuqlari printsipiga kerakli ahamiyat bermadik», - deya Vudvordning so'zlarini keltiradi ESPN.

Eslatib o'tamiz, e'lon qilinganidan bir necha kun o'tib, Superliga bekor qilingan edi.