Kosta faoliyatini Braziliyada davom ettirishi mumkin

«Yuventus» yarimhimoyachisi va hozirda «Bavariya»da ijarada o'ynayotgan Duglas Kosta katta ehtimol ushbu mavsum oxirida Italiyaga qaytmaydi. Bu haqda Globo Esporte xabar bermoqda.

Jurnalistlarning ta'kidlashicha, Braziliyaning «Gremio» klubi 30 yoshli braziliyalikni sotib olishga urinib ko'radi. Biroq, Kostaning yuqori maosh talablari bunga to'siq bo'lishi mumkin.

Ma'lumot uchun, Kocta joriy mavsum «Bavariya» tarkibida 22 ta o'yin o'tkazib, bitta gol urdi va 3 ta golli uzatmani amalga oshirgan.