Po'latxo'ja Xoldorxonov: «Jamoadoshlarim meni ruhan qo'llashdi»

"Paxtakor" safida debyut o'yinidayoq gol urishga erishgan Xoldorxonov "Eyr Fors"ga qarshi bo'lib o'tgan bellashuv to'g'risida taassurotlarini aytib o'tdi.

"Jamoa bilan g'alabadan xursandmiz. Ikkinchi bo'limda hujumlarni ko'paytirdik va oxiri to'p kiritishga erishdik. Buning uchun jamoadoshlarimga rahmat aytaman. Maydonga tushayotgan paytim barcha meni qo'llab-quvvatladi, bundan ruhlanib gol urishni juda istagandim. Birinchi bahsdayoq to'p kiritganimdan judayam hayajonga tushdim. O'sha lahzada meni hissiyotlar chulg'ab olgandi", — dedi yosh futbolchi.