Karvaxal uchun mavsum yakunlandimi?

«Real» himoyachisi Daniel Karvaxal mavsumning qolgan qismini o'tkazib yuboradi. Bu haqda "Marca" xabar tarqatdi.

Manbaga ko'ra, ispaniyalik futbolchi Chempionlar ligasining yarim final bosqichida bo'lib o'tgan «Chelsi»ga qarshi o'yinda (1:1) jarohat oldi. Tibbiy tekshiruv natijasida Karvaxalning mushagida uzilish ro'y bergani aniqlandi. Daniel mazkur jarohatidan forig' bo'lguncha mavsum yakunlanib qolishi mumkin.

29 yoshli Daniel Karvaxal joriy mavsumda 15ta o'yinda maydonga tushib, 4ta golga uzatma berdi.