Messining otasi «Barselona»ga o'z shartini ma'lum qildi

"Barselona" hujumchisi Lionel Messining otasi va agenti Xorxe Messi jamoa prezidenti Joan Laporta bilan yangi shartnomani muhokama qildi.

"Mundo Deportivo" tarqatgan xabarga ko'ra, Messi yangi shartnoma bo'yicha birinchi mavsumda maoshining ikki baravar kamayishiga rozi. Shuningdek, gap 10 yillik kelishuv haqida ketmoqda.

Argentinalik futbolchi "Barsa" safida dastlabki 2 yil davomida to'p tepib, shundan keyin MLSga yo'l olishi rejalashtirilmoqda. U AQShdan qaytganidan so'ng "Barselona"ning sport bo'limida ish boshlaydi.

Eslatib o'tamiz, Messining kataloniyaliklar bilan amaldagi shartnoma joriy mavsum so'ngida yakuniga etadi.