Di Mariya «PSJ» tarixiga kirdi
/ Kiritdi: BestMaster Ko'rilgan: 124
"PSJ" yarim himoyachisi Anxel Di Mariya Evropa chempionlar ligasi yarim final bosqichida bo'lib o'tgan "Manchester Siti"ga qarshi o'yinda (1:2) jamoasining yagona goliga assistentlik qildi. Uning burchakdan etkazgan uzatmasini Markinos bosh bilan darvozaga joylab qo'ydi.
"William Hill" tarqatgan xabarga ko'ra, 33 yoshli futbolchining parijliklar safidagi assistlari soni 103taga etdi. Bu esa "Pari Sen-Jermen" tarixidagi rekord natija hisoblanadi. Bu ko'rsatkich bo'yicha u "PSJ" safida 1982-1991 yillarda o'ynagan Safet Sushich bilan tenglashib oldi.
Di Mariya golli uzatmalarining 65tasini Frantsiya chempionatida, 17tasini Chempionlar ligasida, 11tasini Frantsiya Liga kubogida, 9tasini Frantsiya kubogida va bittasini Frantsiya superkubogida amalga oshirgan.
Eslatib o'tamiz, Anxel Di Mariya 2015 yildan buyon "PSJ" sharafini himoya qilib kelmoqda.
Bosh sahifaga
239