Qozog'iston chempionati. Igor Sergeev zaxiradan tushib, gol urgan o'yinda «Aqto'be» mag'lubiyatdan qutulib qola olmadi (video)

Qozog'iston Premer Ligasi 8-turi doirasida «Aqto'be» 28 aprel, chorshanba kuni safarda «Taraz» bilan bahs yuritdi.

Uchrashuv «Taraz»ning yirik 3:1 hisobidagi g'alabasi bilan yakunlandi. Mehmonlarning yagona javob to'piga o'zbekistonlik hujumchi Igor Sergeev mualliflik qildi. E'tiborlisi, Igor bellashuvning 52-daqiqasida zaxiradan o'yinga qo'shilgandi.

Ushbu mag'lubiyatdan keyin aqto'beliklar 9 ochko bilan 9-o'rinda bormoqda. Jamoa keyingi turda o'z maydonida musobaqa peshqadami «Astana»ni qabul qiladi. Uchrashuv 2 may sanasiga belgilangan.

Qozog'iston chempionati, 8-tur
28 aprel, chorshanba
«Taraz» – «Aktobe» – 3:1
Gollar: 1:0 — 11 Baytana, 2:0 — 17 penalti Eujenio, 3:0 — 54 Karaman, 3:1 — 76 Igor Sergeev.