Marselo "Chelsi"ga qarshi uchrashuvni g'ayrioddiy sabab o'tkazib yuborishi mumkin

Marsa nashri "Real" himoyachisi Marselo "Chelsi"ga qarshi Chempionlar Ligasi yarim final javob uchrashuvini (birinchi o'yin 1:1) g'ayrioddiy sabab o'tkazib yuborishi mumkin, deb xabar bermoqda.

Ispan nashrlarining yozishicha, braziliyalik 4-may kuni, "aristokratlar"ga qarshi ikkinchi o'yindan bir kun oldin bo'lib o'tadigan Madrid assambleyasiga saylovlarda kuzatuv komissiyasida ishtirok etishga taklif qilingan.

Endi Marselo hokimiyat bilan saylovlarni o'tkazib yuborishiga ruxsat berish to'g'risida muzokaralar olib borishga urinmoqda, ammo unga rad javobi berilmoqda.

Koronavirus pandemiyasi bilan bog'liq cheklovlar tufayli futbolchi alohida reys bilan ucha olmaydi. 2011-yilda Marselo Ispaniya fuqaroligini olgan. Shuning uchun ham u saylovlarda ishtirok etishga jalb qilingan.

Eslatib o'tamiz, "Real" 5-may kuni Londonda "Chelsi"ga qarshi o'ynaydi. O'yin Toshkent vaqti bilan soat 00:00da boshlanadi.