Keyn Angliyada tengsiz

"Tottenxem" hujumchisi Harri Keyn jamoasi uzoq vaqtdan buyon biron bir sovrinni qo'lga kirita olmasligidan afsusda. Bir kun oldin angliyalik London Football Award  2021da "Yilning eng yaxshi futbolchisi" mukofotini oldi, ammo u uchun jamoaviy sovrinlar muhimroq ekanligini aytdi.

"Shaxsiy mukofotlar juda zo'r, bu ajoyib yutuqlar. Faoliyatim yakunida men ularga ko'proq vaqt ajrataman. Ammo hozirda futbolchi sifatida mening maqsadim jamoa bilan sovrinlarni yutishdir. Va bu mukofot juda zo'r bo'lsa ham, men katta sovrinlarni yutmoqchiman, ammo "Tottenxem" bunday yutuqlarga ega emas. Jamoa kuboklarini ham, ushbu sovrinni ham yutishni afzal ko'rgan bo'lardim. Ushbu sovrinni g'urur bilan qabul qilaman. Bu shundan dalolat beradiki, bu mavsum yaxshi o'tdi, shuning uchun men o'z ishimni davom ettirishga harakat qilishim kerak", - deydi hujumchi.

Ma'lumot uchun, London Football Award faqat Angliya poytaxti jamoalarida o'ynagan futbolchilarga beriladi.