Germaniya futbol ittifoqi Flik bilan muzokara boshlanganini e'lon qildi

Germaniya futbol ittifoqi (DFB) «Bavariya» bosh murabbiyi Xans-Diter Flik bilan Germaniya terma jamoasi bosh murabbiyi lavozimi borasida muzokara boshlaganini e'lon qildi.

«Germaniya futbol ittifoqi Xans Flikka katta ehtirom bilan yondoshadi. Yaqin orada u va "Bavariya" vakillari bilan muzokara boshlashimizni tasdiqlashimiz mumkin. Yaqin kunlarda muzokaralar jarayoniga izoh bermaymiz. Biz faqatgina jarayon ishtirokchilari bilan gaplashamiz», – deya bayonot berdi DFB.

Eslatib o'tamiz, Flikning o'zi «Bavariya»dan ketishini e'lon qilgan bo'lsa, myunxenliklar Yulian Nagelsmann bilan shartnoma imzolashdi.