APLda eng ko'p maoshni qaysi klub futbolchilari olishadi?

The Times gazetasi jurnalisti Martin Tsigler o'z tvitterida ayni paytda ingliz grandlarining maoshlari to'g'risida hisobot berdi.

Bu borada birinchi o'rinni «Manchester Siti» futbolchilari qo'lga kiritishdi. Ularning ish haqi miqdori 351 million funt sterlingga baholanmoqda.

«Liverpul» uzoq vaqtdan beri birinchi marta «Manchester Yunayted»dan o'zib ketdi. Klopp jamoasida futbolchilar 325 million evro olishadi. MYu va «Chelsi» taxminan bir xil darajada turishibdi (284 va 283 million).

Shuningdek, «Arsenal» futbolchilariga 225 million evro maosh beradi. «Tottenxem» raqiblaridan 181 million bilan ortda qolmoqda.