Pulishich: "Bo'sh nuqtani qaramay turib ham his qila oldim"

Londonning "Chelsi" klubi vingeri Kristian Pulishich Chempionlar Ligasi yarimfinalida «Real» ga urgan goli haqida fikr bildirdi. 

«Men to'p bilan yaxshiroq muomala qilish mumkinligini his qildim, ammo keyin darvozabon bilan deyarli yakkama-yakka vaziyatga borganimda hali ham qulay imkoniyatga ega emas edim, shuning uchun bir nechta dribling ishlatishimga to'g'ri keldi.

Keyin bo'sh nuqtani qaramay turib ham his qila oldim. Hujumning gol bilan tugashi yaxshi», - deya amerikalikning so'zlarini keltiradi «Chelsi» rasmiy sayti.

Ma'lumot uchun, Pulishich Chempionlar Ligasining joriy mavsumidagi ikkinchi golini urdi.