Neymar - PSJ bilan yangi shartnoma borasida: «Barchasi deyarli hal bo'ldi»

«PSJ» hujumchisi Neymar frantsuz klubi bilan munosabatlarni uzaytirish bo'yicha muzokaralar haqida gapirdi.

«PSJ bilan muzokara olib borilmoqda. Biz shoshilmaymiz. Barchasi deyarli hal qilindi. Men xotirjamman, chunki PSJda haqiqatan ham baxtliman. Muxlislarga kelsak, men eng avvalo ular tribunaga qaytishlarini intizorlik bilan kutmoqdaman», - deydi braziliyalik yulduz.

Eslatib o'tamiz, Neymar 2017 yilda «Barselona»dan rekord darajadagi summa, 222 million evro evaziga «PSJ»ga ko'chib o'tgan edi.

Ma'lumot o'rnida, joriy mavsumda 29 yoshli hujumchi Frantsiya chempionatida 14 uchrashuv o'tkazib, 6 gol urdi va 3 golli uzatma amalga oshirdi. Neymarning Parij klubi bilan amaldagi shartnomasi 2022 yilning yoziga qadar mo'ljallangan.

Manba: RMC Sport