Gvardiola: «Mbappe va Neymar haqida o'ylamadim, shunchaki uxladim»

"Manchester Siti" bosh murabbiyi Xosep Gvardiola Evropa chempionlar ligasi yarim final bosqichi doirasida bo'ladigan "PSJ"ga qarshi o'yin arafasida o'z fikrini bildirib o'tdi.

"Mbappe va Neymar? Ular haqida o'ylamadim, shunchaki uxladim. Biz bor kuchimiz bilan ularni to'xtatishga harakat qilamiz. Jamoa bo'lib himoyalanamiz, umuman olganda, jamoa bo'lib o'ynaymiz.

Albatta, o'yinimizda nimanidir o'zgartirishimiz kerak bo'ladi. Lekin, odatdagidan boshqaroq futbol namoyish etishdan ma'no ko'rmayapman.

"Kristal Pelas"ga qarshi bahsda ham o'yinimizga ozgina o'zgartirish kiritgandik. Maqsadimiz tezkor Zaani yopish bo'lgandi. Parijliklar esa ajoyib hujum chizig'iga ega. Raqibdan ko'p sonli qarshi hujumlarni kutyapman", — dedi Pep Gvardiola.