Rasman! FIFA O'zbek klubiga qo'yilgan ta'qiqni olib tashladi

Bu haqda PFL bosh direktori Diyor Imomxo'jaev o'zining telegram sahifasi orqali xabar bermoqda.

"FIFA va nihoyat Sho'rtan futbol klubiga qo'yilgan taqiqni rasman olib tashladi. Vorivonchik ham, Kriushenko ham pulni olganini tasdiqladi.

So'nggi 5 oyda 5 ta klub FIFA taqiqidan qutildi: Qo'qon-1912, Neftchi, Andijon, Surxon, Sho'rtan. Ayni vaqtda FIFA taqiqi bor klubimiz qolmadi.

Oldinda esa klublar ustidan yana kim qanday shikoyat qilishini vaqt ko'rsatadi. PFL esa 2022 yildan boshlab bu boradagi talablarni qat'iylashtirish bo'yicha O'FA Ijroqo'miga taklif tayyorlamoqda",-deb yozdi Diyor Imomxo'jaev.