Xasan Salixamidjich: «Ishonchim komilki, u biz bilan ishlashdan katta zavq oladi»

Myunhening «Bavariya» klubi sport direktori Xasan Salixamidjich Yulian Nagelsmanning jamoaga bosh murabbiy etib tayinlangani haqida fikr bildirdi.

«Yuulian bilan muzokaralar do'stona juda konstruktiv ruhda kechdi. Ishonchim komilki, u biz bilan ishlashdan katta zavq oladi.

Men Xansi Flikga chuqur minnatdorchiligimni bildirmoqchiman.
U bir yarim yil oldin jamoa boshqaruviga kelganidan so'ng, biz ko'plab g'alabalarni qo'lga kiritdik va ko'plab titullarga ega chiqdik.

Bularning eng yuqori cho'qqisi shubhasiz, 2020 yilgi trebl edi. Ushbu muvaffaqiyatlar uning nomi bilan chambarchas bog'liq bo'ladi. Unga kelgusi faoliyatida eng yaxshi tilaklarimni tilayman», - deydi Salixamidjich.