Kevin de Bryuyne: «Agar «Man Siti» 4ta turnirda g'olib chiqsa, tarixdagi eng yaxshi jamoaga aylanadi»

«Manchester Siti» yarim himoyachisi Kevin de Bryuyne jamoasining ushbu mavsumdagi barcha musobaqalarda g'olib chiqish imkoniyati haqida fikr bildirdi.

«Buning deyarli imkoni yo'q. Biz imkon qadar ko'proq o'yinlarda g'alaba qozonishga harakat qilamiz.

Agar bitta mavsumda 4ta turnirda g'olib chiqsak, tarixdagi eng yaxshi jamoaga aylanamiz. Boisi, hali buni hech kim amalga oshirmagan. Biz bunga intilamiz.

Hozircha har bir o'yinda g'alaba qozonishga harakat qilamiz, ammo 4ta sovrin haqida o'ylamaymiz. Agar 3ta sovringa ega chiqsak, balki, Chempionlar ligasi finali oldidan bu haqda o'ylashimiz mumkin. Ammo bundan erta emas», – dedi de Bryuyne.

«Manchester Siti» Angliya liga kubogi finalida «Chelsi»ni mag'lub (0:0, penaltilar bo'yicha – 4:3) etib, o'z tarixida oltinchi marta ushbu sovringa ega chiqdi.