APLga qaytgan ikki klub qo'shimcha bonus oladi

Xabaringiz bor, mavsum yakunlanmasidan avval Chempionshipda harakat qilayotgan ikki klub kelasi mavsum uchun APL yo'llanmasini qo'lga kiritib ulgurgan.

Bu «Norvich» va «Uotford» jamoalari hisoblanishadi. Ikkala jamoa ham APLdan quyi ligaga tushganidan keyingi mavsum yana Premer-Ligaga qaytgani uchun qo'shimcha bonus olishlari ma'lum bo'ldi.

So'z Chempionshipga ravona bo'lgan klublar uch yil ichida APLga qaytgani uchun qabul qilib oladigan «parashyut to'lovlari» haqida bormoqda. Jamoalar 83 mln funtdan olishadi.

«Bornmut» pley-off orqali APLga qaytsa, ushbu summa oshishi mumkin.