Keyn Liga Kubogi finalida o'z antirekordini takrorladi

Kecha, 25 aprel kuni Londondagi «Uembli» stadionida «Manchester Siti» va «Tottenxem» o'rtasida Angliya Liga Kubogi final uchrashuvi bo'lib o'tdi. Uchrashuv 1:0 hisobida «shaharliklar»ning g'alabasi bilan yakunlandi.

«Tottenxem» jamoasining 27 yoshli ingliz hujumchisi Xarri Keyn ushbu o'yinda biron marta ham zarba bermadi va jamoasi uchun birorta imkoniyat yaratmadi.

Hujumchida bunday ko'rsatgich, so'nggi marta 2018 yilda, «shporlar» Chempionlar Ligasida «Inter» (1-2) bilan to'qnash kelganida ro'y bergan edi.

Ma'lumot o'rnida, joriy mavsumda Keyn «Tottenxem» tarkibida barcha musobaqalarda 44 uchrashuv o'tkazib, 31 gol urdi va 16 golga assist amalga oshirdi.