«Tottenxem» olib kelmoqchi bo'lgan murabbiyga «Bavariya» ham ko'z tikkan

Yaqinda Londonning «Tottenxem» jamoasi portugaliyalik mutaxasis Joze Mourinoni ishdan bo'shatdi. Va jamoa kelayotgan yozda klubga yangi murabbiy olib kelishni maqsad qilgan. «Shporlar» uchun  birinchi raqamli nomzod esa «Leyptsig» ustozi Yulian Nagelsman edi. Ammo, yaqinda chiqqan ma'lumotlarga ko'ra, ushbu nemis mutaxasisiga Germaniyaning boshqa grand jamoasi «Bavariya» ham qiziqish bildirmoqda. Agarda, «nemis mashinasi» Yulian bilan shartnoma imzolagudek bo'lsa, unda «Tottenxem» boshqa nomzodlarni ko'rib chiqishiga to'g'ri keladi. London jamoasining keyingi nomzodlari Brandan Rojers, Grem Potter, Roberto Martines va Skott Parker kabi mutaxasislar hisoblanadi.