Ibrahimovich «Latsio»ga qarshi o'yinda ishtirok etmaydi

«Milan» hujumchisi Zlatan Ibrahimovich Italiya chempionatining 33-turidan o'rin olgan «Latsio»ga qarshi o'yinda ishtirok eta olmaydi. Bu haqda "rossoneri" bosh murabbiy Stefano Pioli ma'lumot berdi.

«Zlatan o'zini yaxshiroq his qilmoqda, ammo ertangi o'yinga tayyor bo'lmaydi. U kelasi bahsda («Benevento»ga qarshi) maydonga qaytishi mumkin.

Hujumda Manjukich yoki Leau o'ynashi mumkin. Mario o'zini yaxshi his qilmoqda. U raqib jarima maydoni foydali xislatlarga ega», — dedi Pioli.

Eslatib o'tamiz, "Latsio" va "Milan" jamoalari o'rtasidagi o'yin 26 aprel kuni Rimda bo'lib o'tadi. 39 yoshli Ibrahimovich esa 22 aprel kuni «Milan» bilan shartnomani bir yilga uzaytirdi.