EChL. «Real» - «Chelsi» o'rtasidagi birinchi o'yinda ishlaydigan hakamlar ma'lum

UEFA Chempionlar Ligasi yarim finalining dastlabki uchrashuvlaridan o'rin olgan «Real Madrid» - «Chelsi» o'yinini Denni Makkile boshqaradi. Bu haqida UEFA rasmiy sayti ma'lum qildi.

Madrid hamda London jamoalari o'rtasidagi bahs Denni Makkeli boshchiligidagi niderlandiyalik hakamlar brigadasiga ishonib topshrildi.

Denniga qanotlarda Xessel Stegstra va Yan de Vrislar yordam berishadi. VAR uchun mas'ul hakam Kevin Blom unga esa Yokem Kamfus yordam beradi. Zaxira hakami - isroillik Orel Grinfild.

Eslatib o'tamiz, «Real Madrid» va «Chelsi» o'rtasidagi Chempionlar Ligasi yarim finalining birinchi uchrashuvi 27 aprel kuni Madriddagi (Ispaniya) «Alfredo Di Stefano» stadionida bo'lib o'tadi. Javob o'yini 5 may kuni Londonda (Angliya) bo'lib o'tishi belgilangan.