«Liverpul» egalari klubni 10 baravar qimmatiga sotishmadi

«Liverpul»ni sotib olish istagida xaridor chiqqan edi, ammo klubga egalik qiluvchi Amerikaning "Fenway Sports Group" kompaniyasi ushbu taklifga rad javobini berdi.

"The Mirror" tarqatgan xabarga ko'ra, xaridorlar "qizillar" uchun 3 milliard funt sterling (taxminan 3,45 milliard evro) taklif qilishgan. Taxminlarga ko'ra, ushbu taklif Yaqin Sharq mamlakatlaridan bo'lgan.

Manbaga ko'ra, yana bir qator investorlar «Liverpul»ni qo'lga kiritishni ko'zlashmoqda. Buning uchun esa "Fenway Sports Group" klubni sotish istagini bildirishi kerak.

Eslatib o'tamiz, ushbu AQShning ushbu kompaniyasi «Liverpul»ni 2010 yilda bor-yo'g'i 300 million funt sterlingga xarid qilgan edi.

Manba: sport24.ru