«Real»ning mag'lubiyatsiz ceriyasi davom etadi

«Real» La Liganing 32-turida «Betis» mehmoni bo'ldi va 0:0 hisobida durang natija qayd etdi.

Zinedin Zidan jamoasi 30 yanvardan beri mag'lubiyatga uchramayapti — 17 o'yin. Ushbu davr mobaynida madridliklar 12 marta g'alaba qozonishdi va 5 bor murosa ko'chasi tanlandi.

«Real»ning kelasi o'yini 27 aprel kuni o'tkaziladi. «Qaymoqranglilar» shu kuni Chempionlar Ligasi yarim final doirasidagi ilk bahsda «Chelsi»ni qabul qilishadi.