«Golimni o'g'limga bag'ishlayman». Eldor Shomurodov italyan tilida intervyu berdi (video)

Italiyaning «Jenoa» klubi hujumchisi Eldor Shomurodov A Seriyaning 33-turidan o'rin olgan «Spetsiya»ga qarshi uchrashuvdan (2:0) keyin flesh-intervyu berdi.

Shomurodov mazkur bahsda gol urib, o'zining 9 ta o'yindan iborat bo'lgan golsiz seriyasiga chek qo'ydi. So'nggi bor Eldor «Verona»ga qarshi kechgan 20 fevral kungi o'yinda (2:2) gol urgandi.

— Salom Eldor, gol urdingiz, bundan xursandmisiz?
— Ha albatta, bundan judayam xursandman!

— Golingiz kimgadir bag'ishlanganmi?
— Golimni o'g'limga bag'ishlayman.

— O'zbekistonlik muxlislaringizga nimadir deyishni xohlaysizmi?
— Barcha O'zbekiston ahliga salom. «Jenoa»ga muxlislik qilinglar. Xudo xohlasa, keyingi o'yinlarda yanada xursand qilishga harakat qilamiz (o'zbek tilida).

Ma'lumot uchun, Shomurodov 2020/21 yilgi mavsumda A Seriyada 26 o'yin o'tkazib, 4 ta gol va bitta golli uzatma muallifiga aylandi.