«MYu» «Liverpul» bilan o'yinda vaqtni cho'zish uchun bolboylardan foydalandi

Angliya premer-ligasining 27-turi doirasida «Manchester Yunayted» klubi «Liverpul»ga qarshi o'yinda (0:0) ijobiy natijaga erishish uchun maydon tashqarisidagi insonlar xizmatidan ham foydalangani aniq bo'ldi.

«MYu» birinchi bo'limdayoq 3ta majburiy o'zgarishni amalga oshirdi.

The Sun tarqatgan xabarga ko'ra, «Yunayted» bosh murabbiyi Ule-Gunnar Sulsher maydon chetida to'pni uzatib turadigan bolakaylarga maxsus ko'rsatma berib, ular «Liverpul» futbolchilariga to'pni uzatishda shoshilmaslik kerakligini ta'kidlagan.

Norvegiyalik mutaxassis bu orqali Ander Errera, Xuan Mata va Jessi Lingard maydonni tark etganidan keyin jamoasi o'yin ritmiga tushib olishi uchun uchrashuv vaqtini cho'zishga harakat qildi.

«Manchester Yunayted» murabbiylari har bir bolboy bilan gaplashish uchun maydon atrofi bo'ylab yurishdi. Balki, ular «Liverpul» futbolchilariga to'pni uzatishda shoshmaslikni ta'kidlashgandir», – dedi muxlislardan biri.