«Arsenal» 91 yildan so'ng yana shunday qoniqarsiz ko'rsatgich qayd etdi

Ushbu mavsumda “Arsenal“ to'qqizta uy uyinda mag'lub bo'ldi.

Angliya chempionatining 33-turida «Arsenal» o'z maydonida «Everton»ga minimal, 0:1 hisobida imkoniyatni boy berdi. 76-daqiqada Risharlisonning zarbasidan so'ng Leno o'z darvozasini ishg'ol etib qo'ydi.

Murabbiy Mikel Arteta shogirdlari ushbu mavsum barcha musobaqalarda uydagi 25 o'yinning to'qqiztasida mag'lub bo'lishdi.

Bu “Arsenal“ uchun 1929/30 yilgi mavsumdan beri eng yomon natija bo'ldi. O'sha mavsumda ham “kanonirlar“ o'z maydonlaridagi 9 o'yinda imkoniyati boy berishgan edi.

Ma'lumot uchun, London jamoasi bugungacha 46 ochko to'plagan holda APL turnir jadvalida to'qqizinchi pog'onani egallab turibdi.