Denis Ivankov “Nasaf”ga qaytdi

Tajribali mutaxassis, O'zbekiston milliy terma jamoasi darvozabonlar murabbiyi Denis Ivankov “Nasaf” safida yana qayta ish boshladi.

O'zingizga ma'lum, Denis Ivankov 2013-2018 yillar oralig'ida Qarshida faoliyat olib borgan va va shu vaqt ichida ko'pgina darvozabonlarning etishib chiqishiga o'z hissasini qo'shgan edi. Hozirgi kunda jamoa darvozabonlari Umidjon Ergashev hamda Abduvohid Ne'matovning porlab chiqishida ham Ivankovning  mehnatlari katta bo'lgan.

Shu kungacha bosh jamoada davozabonlarni shug'ullantirib kelgan Asliddin Hasanov “Nasaf” U-21 jamoasida yosh darvozabonlar bilan ishlashda davom etsa, Denis Monin esa futbol maktabida o'z faoliyatini davom ettiradi.