«Bunyodkor» - «So'g'diyona». Muxlislarga iftorlik uchun eguliklar tarqatiladi

Musobaqani «E» guruhida o'tkazayotgan "Bunyodkor" 2-turda «So'g'diyona»ga qarshi maydonga tushadi. «Bunyodkor» stadionida bo'lib o'tadigan bellashuv ertaga soat 18:30da boshlanadi.

«Bunyodkor» futbol klubi muborak Ramazon oyi munosabati bilan xalqimizni, barcha mo'min-musulmonlarni tabriklab, quyidagilarni ma'lum qiladi. O'yinni bevosita «Bunyodkor» stadionida tomosha qilishni maqsad qilgan ishqibozlarga iftorlik uchun eguliklar tarqatiladi. Shuningdek, stadionimizda muxlislarga shom namozini o'qishlari uchun namozxona tashkil qilindi.

Eslatib o'tamiz, 24 aprel kuni taqvimga ko'ra iftorlik vaqti 19:15da.