Aleksandr Kasyan: «Bu Chempionlar ligasi. Hech kimga oson bo'lmaydi»

Osiyo chempionlar ligasi "A" guruhi 4-tur doirasidagi "Shabab al-Ahli" - AGMK uchrashuvidan oldingi matbuot anjumanida olmaliqliklar hujumchisi Aleksandr Kasyan ham ishtirok etib, o'z fikrlari bilan o'rtoqlashdi.

"Bizni ajoyib uchrashuv kutmoqda. Ertangi bahs qolgan o'yinlar kabi juda muhim. Biz maydonga murabbiylarning ko'rsatmasini bajarish uchun albatta g'alaba ishtiyoqida chiqamiz. Har uchinchi kuni futbol o'ynash futbolchilarda jismoniy yuklamalarni oshirmoqda. Oson bo'layotgani yo'q. Lekin biz qaerga kelayotganimizni bilardik. Bu Chempionlar ligasi. Hech kimga oson bo'lmaydi. Charchoqlarga qaramasdan maydonga faqat g'alaba uchun tushamiz. AGMK Ar-Riyodga shunchaki kelmagan, balki oldiga qo'ygan maqsadiga erishish uchun kelgan", — dedi Kasyan.