UEFA Superliga loyihasini engishda yordam bergani uchun Evro—2020 doirasidagi ayrim o'yinlarni Angliyaga berishi mumkin
/ Kiritdi: BestMaster Ko'rilgan: 139
UEFA Evropa Chempionati doirasidagi bir qator uchrashuvlarni Londonga ko'chirmoqchi, deya xabar qilmoqda The Telegraph.
Xabarlarga ko'ra, Ispaniyaning Bilbao shahri Evro—2020 mezbonligidan chiqqan. Shuningdek, Dublin shahri ham mezbonlar ro'yxatidan o'chirilishi kutilmoqda.
Mezbonsiz qolgan ushbu o'yinlarning ayrimlari «Uembli»ga berilishi mumkin. UEFA bu orqali Evropa Superligasiga qarshi kurashda jonbozlik ko'rsatgan Angliya futbol assotsiatsiyasi va uning rahbari Mark Bullinghemga minnatdorchilik bildirmoqchi.
Biroq o'yinlarning hammasi ham Angliyaga berilmaydi. Sababi UEFA tomoshabinlarning ko'proq tashrifiga ruxsat berilgan mamlakatlar, xususan, Rossiyaga ham ayrim uchrashuvlarni bo'lib bermoqchi.
Evro—2020 musobaqasi koronavirus pandemiyasi sabab 2021 yilga ko'chirilgandi. Avvaliga musobaqa Evropaning 12 ta shahrida o'tkazilishi rejalashtirilgandi.
Avvalroq 12 klub Evropa Superligasi musobaqasini tashkil etgan, biroq yangi loyiha APL 6 klubining chiqib ketishi natijasida muvaffaqiyatsizlikka uchragandi.
Bosh sahifaga
227