Prevyu. "Paxtakor" - "Sharja"

Chempionlar Ligasi 4-turida juda muhim bahsda "Paxtakor" yana bir bor "Sharja" bilan bellashadi.

“Sherlar” hozircha uch o'yinda ikki ochko to'plashdi. Guruh bosqichidan nimchorak finalga guruh g'oliblari bilan birga beshta ikkinchi o'rin egalaridan uchta eng yaxshi ko'rsatkichga yo'l oladi va jamoamizga imkoniyatni saqlab qolishda g'alaba juda muhim.

O'yinni jamoamizdan diskvalifikatsiya sababli Egor Krimets o'tkazib yuboradi.

"Sharja" futbol klubi Sharjada 1966 yil tashkil qilingan. Hozirgacha BAA chempionatida olti bor va BAA Prezidenti Kubogida sakkiz marta zafar quchgan. Superkubokda ikki bor g'olibga aylangan. Oxirgi yillarda ushbu klub BAAning eng kuchli jamoalaridan biriga aylandi. Abdulaziz Al Anbari boshchiligida jamoa etakchilar qatoriga qaytdi.

"Paxtakor" va “Sharja” jamoalari o'rtasidagi o'yin 23 aprel, juma kuni Toshkent vaqti bilan 23:00da “Sharja” stadionida boshlanadi.