UEFA prezidenti «Real» - «Chelsi» uchrashuvini bekor qilish ehtimolini baholadi

UEFA prezidenti Aleksandr Cheferin Chempionlar Ligasining yarim final, birinchi uchrashuvi «Real» va «Chelsi» o'rtasidagi o'yin bekor qilinishi mumkinligi haqidagi savolga javob berdi.

Eslatib o'tamiz, ikkala klub ham Evropa Superligasi ishtirokchilari soniga kiritilgan edi. Ko'plab namoyish va tanqidlardan keyin esa London jamoasi yangi turnirda ishtirok etishdan bosh tortdi. Madrid klubi bo'lsa, hali ligadan chiqib ketgani haqida xabar bermadi.

«Asosiy omil - bu mavsum allaqachon boshlangan. Agar yarim final bo'lib o'tmasa, teleradiokompaniyalar bizdan tovon puli to'lashimizni so'rashlari mumkin.

Shu munosabat bilan, kelasi hafta «Real» - «Chelsi» uchrashuvi bo'lib o'tmasligi ehtimoli juda past. Lekin kelajakda ishlar biroz boshqacha bo'lishi mumkin», - deydi Cheferin.

Eslatib o'tamiz, «Real» va «Chelsi» o'rtasidagi o'yin 27 aprel kuni Madriddagi "Alfredo di Stefano" stadionida bo'lib o'tishi kerak.

Manba: Marca