Kecha O'FA vakillari hamda viloyat futbol faxriylaridan iborat jamoalar o'rtasida o'rtoqlik uchrashuvi o'tkazildi

Kecha O'zbekiston futbol assotsiatsiyasining mutasaddi va mutaxassislari Sirdaryo viloyatiga tashrif buyurdi.

Tashrif mobaynida O'FA vakillari hamda viloyat futbol faxriylaridan iborat jamoalar o'rtasida o'rtoqlik uchrashuvi o'tkazildi. O'yin yuqori kayfiyatda o'tdi va O'FA jamoasi 4-2 hisobida g'alaba qozondi.

Shundan so'ng, O'FA birinchi vitse-prezident maslahatchisi Raxmiddin Zikriyaev va Sirdaryo viloyat hokimi G'ofurjon Mirzaev ishtirokida uchrashuv tashkil etilib, viloyatda futbol ommaviyligini oshirish va bolalar-o'smirlar futbolini yanada rivojlantirish bo'yicha amalga oshirilayotgan ishlar va kelajakdagi istiqbolli loyihalar muhokama etildi.

Uchrashuv yakunida Raxmiddin Zikriyaev viloyat hokimi G'ofurjon Mirzaevni tavallud ayyomi bilan tabriklab, O'zbekiston futbol assotsiatsiyasi nomidan samimiy muborakbod etdi.