«Rubin» - «Bunyodkor» uchrashuviga tashrif buyuradigan muxlislar diqqatiga!

Bugun O'zbekiston Kubogining yangi mavsumi yo'lga chiqadi.

Ma'lumki, mamlakatimizda koronavirusga chalingan bemorlar soni oshib borayotgani sababli 18 apreldan e'tiboran karantin qoidalari yana kuchaytirildi. Xususan, har bir inson tibbiy niqobda bo'lishi shartligi qat'iy belgilab qo'yildi. O'z-o'zidan yana kuchaytirilgan karantin talablariga futbol uchrashuvlari vaqtida ham amal qilinadi. Bugun bo'lib o'tadigan «Rubin» - «Bunyodkor» uchrashuvini bevosita «Bunyodkor» stadionida tomosha qilish uchun tashrif buyuradigan muxlislardan quyidagi talablarga qat'iy amal qilishlarini so'rab qolamiz.

1. Tibbiy niqobda bo'lishlari shart!
2. Ijtimoiy masofani saqlash shart (2 metr)!
3. Tribunada o'rindiqlarga o'tirilganda ham ijtimoiy masofa saqlanishi lozim.