Angliya kubogi. «Chelsi» «Manchester Siti»ni mag'lub etib, finalga chiqdi (videosharh)

Angliya kubogi musobaqasida dastlabki finalchi nomi ma'lum bo'ldi. «Chelsi» yarim final bosqichida «Manchester Siti» bilan to'qnash kelib, kichik hisobda g'alaba qozondi.

Uchrashuv taqdirini Hakim Ziyosh hal qildi. U 55-daqiqada Timo Verner tomonidan etkazilgan uzatmani aniq zarba bilan darvozaga joylab qo'ydi.

«Chelsi» finalda «Lester» — «Sautgempton» juftligi g'olibi bilan to'qnash keladi.

«Chelsi» ketma-ket ikkinchi marta Angliya kubogi finalida o'ynaydigan bo'ldi. Jamoa o'tgan yili «Arsenal»ga yutqazgan edi (1:2).

Angliya kubogi, yarim final
Chelsi – Manchester Siti 1:0 (0:0, 1:0)
Gol: 1:0 – 55 Ziesh.
Chelsi – Arrisabalaga, Chiluell, Ryudiger, Aspilikueta, Jeyms, Maunt (Pulishich, 70), Kante, Ziesh (Emerson, 79), Jorjino, Tiago Silva (Zuma, 88), Verner (Xavertts, 79).
Manchester Siti – Steffen, Ruben Diash, Mendi, Laport, Joau Kanselu, Rodri, Fernandino, Sterling, de Bryuyne (Foden, 48), Ferran Torres (Gyundogan, 64), Gabriel Jezus.
Ogohlantirishlar: Jeyms (34), Fernandino (63), Aspilikueta (90), Laport (90), Ruben Diash (90).