Muhiddinovning «Traktor»ga urgan gol OChL 1-turining eng chiroyli goliga da'vogarlar safiga kiritildi (video)

G'arbiy mintaqada markazlashgan tizimda o'tkazilayotgan Osiyo Chempionlar Ligasining 1-tur uchrashuvlari 14 va 15 aprel kunlari bo'lib o'tdi.

OFK matbuot xizmati tur yakunlari bo'yicha haftaning eng chiroyli goliga da'vogarlar ro'yxatini e'lon qildi.

Nomzodlar qatoridan «Paxtakor» yarim himoyachisi Sharof Muhiddinovning goli ham o'rin oldi. Shuningdek, «Paxtakor» darvozasiga kiritilgan ikkinchi to'p ham g'oliblik uchun kurash olib boradi.

Quyida nomzodlar bilan tanishing:

Jalol Hussayni («Persepolis») — «Al-Vahda»ga qarshi o'yindagi (1:0) gol;
Muhammad Abboszoda («Traktor») — «Paxtakor»ga qarshi bahsdagi (3:3) gol;
Sharof Muhiddinov («Paxtakor») — «Traktor»ga qarshi uchrashuvdagi (3:3) gol;
Mehdi Qoidiy («Istiqlol») — «Al-Ahli»ga qarshi bellashuvdagi (5:2) gol;
Xolid Bavazir («Sharja») — «Eyr Fors»ga qarshi o'yindagi (1:0) gol.